Növbəti həftə Ukrayna üçün tarixi olacaq və düşmən fəallığı artacaq.
Senzor.az bildirir ki, bunu Ukrayna Prezidenti Volodimir Zelenski bazar günü ənənəvi axşam müraciətində deyib.
Onun sözlərinə görə, bazar ertəsi 1991-ci ildən bu günə kimi ən vacib həftələrdən biri başlayır: “Sabah (bu gün-red.) Ukraynanın namizədlik statusu ilə bağlı Avropa İttifaqından cavab eşidəndə həqiqətən tarixi həftə başlayacaq”.
Zelenski eyni zamanda əlavə edib ki, növbəti həftə Rusiyanın hücumları intensivləşəcək: "Belə bir həftədə biz Rusiyadan düşmənçilik fəaliyyətinin artacağını gözləməliyik. Özü də təkcə Ukraynaya qarşı deyil, həm də Avropaya qarşı. Hazırlaşırıq. Tərəfdaşlarımızı xəbərdar edirik”.
Xatırladaq ki, iyunun 17-də Avropa Komissiyası Ukraynaya Aİ üzvlüyünə namizəd statusunun verilməsini tövsiyə edib.
