Türkiyə Ukrayna taxılının daşındığı iddia edilən Rusiya yük gəmisini saxlayıb.
“Reuters” nəşrinin məlumatına görə, bu barədə Ukraynanın Türkiyədəki səfiri Vasili Bodnar məlumat yayıb.
Məlumata görə, Türkiyənin gömrük əməkdaşları gəmini Kiyevin müraciəti əsasında saxlayıblar.
“Biz Türkiyə ilə tam əməkdaşlıq edirik. Hazırda gəmi limanın girişində dayanır. O, Türkiyə gömrük orqanları tərəfindən saxlanılıb. Rusiya gəmisinin taleyi müstəntiqlərin bazar ertəsi, iyulun 4-də keçiriləcək iclasında həll olunacaq", - səfir bildirib.
