İranın ali rəhbəri ayətulla Seyid Əli Xameneinin xüsusi nümayəndəsi, ölkənin Milli Təhlükəsizlik üzrə Ali Şurasının katibi admiral Əli Şamxani iyulun 15-də Azərbaycana səfər edəcək.

Məlumatı “Mehr” agentliyi yayıb.

Səfər Azərbaycan Milli Təhlükəsizlik Şurasının katbi Ramil Usubovun dəvəti əsasında həyata keçiriləcək.

Səfər çərçivəsində Əli Şamxani Azərbaycan rəhbərliyi ilə bir sıra görüşlər keçirəcək.

Görüşlərdə ikitərəfli münasibətlərin, regionda və dünyada baş verən son hadisələrin müzakirə olunacağı gözlənilir.

Senzor.az xatırladır ki, İran Ali Təhlükəsizlik Şurasının katibi bundan əvvəl Ermənistanda olub. Ə.Şamxani orada bir sıra rəsmi şəxslərlə, o cümlədən ölkənin baş naziri Nikol Paşinyanla görüşüb və müzakirələr aparıb.