Sülh müqaviləsinin imzalanması şərti ilə Azərbaycandan qaz idxalı və ya tranzitinin mümkünlüyünü istisna etmirəm.

Senzor.az yerli KİV-ə istinadən bildirir ki, bunu Ermənistanın baş naziri Nikol Paşinyan II Ümumdünya Erməni Sammitində çıxışı zamanı deyib.

“Azərbaycandan Naxçıvana və ya Türkiyəyə tranzit qaz kəmərinin Ermənistan ərazisindən keçməsi ssenarisini istisna edə bilmərik”, - Paşinyan bildirib.

Enerji təhlükəsizliyi məsələlərini müzakirə edən baş nazir enerji mənbələrinin şaxələndirilməsinin vacibliyini vurğulayıb. O, diqqətini günəş enerjisinin inkişafına və yaşıl hidrogendən istifadə perspektivlərinin öyrənilməsinə yönəldib.

Paşinyan vurğulayıb ki, heç bir ölkə enerji təhlükəsizliyini tam təmin edə bilməz, ona görə də onu müxtəlif enerji mənbələri hesabına artırmaq üçün tədbirlər görülməlidir.