Aprelin 22-də saat 20:10-dan 20:30-a kimi Voskepar - Aşağı Əskipara ərazisində, çayın sol hissəsində və Bağanis Ayrımdan 750 m şimal-şərqdə minatəmizləmə işləri çərçivəsində partlayış baş verəcək.

Senzor.az yerli KİV-ə istinadən bildirir ki, bu barədə Ermənistan Müdafiə Nazirliyi (MN) məlumat yayıb.

“Qonşu ərazidə yaşayan sakinlərdən panikaya düşməmələri xahiş olunur”, - məlumatda bildirilib.

O da vurğulanıb ki, bazar ertəsi səhər mütəxəssislər Voskepardakı Müqəddəs Məryəm kilsəsinin arxasındakı ərazini uğurla təmizləyiblər. Demarkasiya və delimitasiya prosesinə qarşı çıxan yerli sakinlərin qrupların işinə mane olmaq cəhdlərinə baxmayaraq, polis işin uğurla başa çatmasını təmin edib.

Xatırladaq ki, Qazaxın işğal altında olan 7 kəndindən anklav olmayan 4-ünün qaytarılması barədə razılaşmadan sonra Ermənistan MN ərazidə minatəmizləmə işləri aparır və postlarını sökür.

Senzor.az