Türkiyə terrorla mübarizədə Almaniya hakimiyyətindən daha çox dəstək və həmrəylik gözləyir.
Bu barədə Türkiyə Prezidenti Rəcəb Tayyib Ərdoğan Ankarada Almaniya Prezidenti Frank-Valter Ştaynmayerlə birgə mətbuat konfransı zamanı bildirib.
O, həmçinin, iki ölkə arasında müdafiə sənayesində əməkdaşlığın dərinləşəcəyinə də inandığını vurğulayıb. Ərdoğan Qəzzada baş verənlərə toxunaraq, “atəşkəsin təmin edilməsi və Fələstin xalqına fasiləsiz və kifayət qədər humanitar yardımın çatdırılması üçün” ölkəsinin səylərini artırmağa davam edəcəyini əlavə edib.
**15:48
Türkiyə Prezidenti Rəcəb Tayyib Ərdoğan Ankarada Almaniya Prezidenti Frank Valter-Ştaynmayerlə görüşüb.
Məlumatı “TRT Haber” yayıb.
Məlumata görə, səfər prezidentlərin təkbətək görüşü ilə davam edib. Daha sonra Rəcəb Tayyib Ərdoğan və Frank Valter-Ştaynmayerin başçılığı ilə nümayəndə heyətlərinin görüşü başlayacaq.
Qeyd edək ki, Almaniya Prezidenti aprelin 22-dən Türkiyədə səfərdədir.
