Avropa İttifaqının (Aİ) Bakıdakı nümayəndəliyi Azərbaycan xalqını Müstəqillik Günü münasibətilə təbrik edib.
Bu barədə Aİ nümayəndəliyinin “Facebook” sosial şəbəkəsində paylaşım edilib.
“Aİ Nümayəndəliyi Azərbaycan xalqını Müstəqillik Günü münasibətilə təbrik edir! Aİ Azərbaycanla olan stabillik, rifah və qarşılıqlı əməkdaşlığı gücləndirməyə yönələn, eləcə də vətəndaşlarımızın rifahı naminə üzləşdiyimiz problemləri həll etməyə çalışan tərəfdaşlığı yüksək qiymətləndirir. Azərbaycanın ev sahibliyi edəcəyi və Bakıda keçiriləcək COP29, iqlim fəaliyyəti və “yaşıl keçid” sahəsində əməkdaşlıq üçün əlverişli imkan yaradır. Biz Azərbaycana və onun xalqına sülh, firavanlıq və tərəqqi arzulayırıq”, - paylaşımda bildirilib.
