Almaniyanın Bavariya vilayətinin bəzi bölgələrində güclü yağışların yaratdığı daşqınlar səbəbindən fövqəladə vəziyyət elan edilib.
Bu barədə DPA agentliyi məlumat yayıb.
Almaniyanın cənubunun bir çox bölgələrində çay səviyyəsinin yaxın saatlarda artmağa davam edəcəyi və rekord səviyyəyə çata biləcəyi gözlənilir. Bavariyanın bir sıra məntəqələrində, sakinlərin təxliyəsi elan edilib. Auqsburq şəhəri yaxınlığında yerləşən Fişax qəsəbəsində insanları helikopterlər xilas etməli olub.
