Sumqayıt şəhərində yaşayış binalarından birində baş vermiş yanğınla bağlı əraziyə polis əməkdaşları cəlb olunub.
Senzor.az DİN-in Mətbuat Xidmətinə istinadən bildirir ki, təhlükəsizliklə bağlı zəruri tədbirlər görülür, ərazi və sakinlərin əmlakı mühafizəyə götürülüb.
Qeyd edək ki, “Stansiya Sumqayıt” adlanan ərazidə doqquzmərtəbəli yaşayış binasında baş vermiş yanğın FHN-in Dövlət Yanğından Mühafizə Xidmətinin qüvvələri tərəfindən genişlənməsinə imkan verilmədən qısa müddətdə söndürülüb.
Yanğın zamanı 25 bina sakini təhlükəsizlik tədbirləri çərçivəsində təxliyə olunub.
**22:16
Sumqayıtda yaşayış binasında yanğın baş verib.
"Report" bildirir ki, hadisə “Stansiya Sumqayıt” adlanan ərazidə, keçmiş məcburi köçkünlərin yaşadığı binada qeydə alınıb.
Dövlət Yanğından Mühafizə Xidmətinin yanğından mühafizə bölmələri hadisə yerinə cəlb olunub.
İlkin məlumata görə, 4 nəfər tüstüdən zəhərlənib. Təcili tibbi yardımın köməyi ilə onlar xəstəxanaya çatdırılıb.
Ümumilikdə 25 nəfər bina sakini təhlükəsiz əraziyə təxliyə olunub.
Alovun qarşısı yanğından mühafizə bölmələri tərəfindən alınıb.
Əlavə məlumat veriləcək.
