Rusiya xarici işlər nazirinin müavini Mixail Qaluzin Ermənistanın Moskvadakı səfirinin dəyişdirilməsi məsələsinin İrəvanın səlahiyyətində olduğunu bildirib.
Bu barədə Rusiya KİV-ləri məlumat yayıb.
“Rusiya Ermənistanın Moskvadakı hazırkı səfirinin işindən razıdır, o, ikitərəfli münasibətlərə mühüm töhfə verib”, - o bildirib.
**12:59
Ermənistan Rusiya Federasiyasındakı səfirini dəyişməyi planlaşdırır.
Bu barədə Ermənistan parlamentinin spikeri Alen Simonyan bildirib.
Qeyd edək ki, Ermənistanın Rusiyadakı hazırkı səfiri Vaqarşak Arutyunyandır. 1999-2000-ci illərdə və 2020-ci ilin 20 noyabr tarixindən 2021-ci ilin 20 iyul tarixinə qədər Ermənistanın müdafiə naziri olan Arutyunyan Rusiyanın adamı hesab olunur.
