Türk Şurasına üzv və müşahidəçi dövlətlərin media orqanlarının əməkdaşları işğaldan azad olunmuş Füzuli rayonuna səfərə yola düşüblər.
Senzor.az bildirir ki, səfər “Azərbaycana Media Tur” çərçivəsində həyata keçirilir.
Səfərdə Türkiyə, Qazaxıstan, Qırğızıstan, Özbəkistan və Macarıstandan olan jurnalistlər iştirak edirlər.
Xarici KİV nümayəndələri daha sonra işğaldan azad olunmuş Cəbrayıl rayonuna və Şuşa şəhərinə səfər edəcəklər.
Xarici media nümayəndələri azad edilmiş ərazilərdə görülmüş işlərlə, eləcə də erməni vandalizminə məruz qalmış mədəniyyət abidələri ilə tanış olacaqlar.
