Böyük Britaniyanın Ermənistandakı səfiri Con Qallegerin yaxın vaxtlarda vəzifəsini tərk edəcək.
Senzor.az bildirir ki, bu barədə Böyük Britaniya hökumətinin rəsmi saytında məlumat yayılıb.
Qeyd olunur ki, onun yerinə Aleksandra Koul təyin olunacaq.
"Aleksandra Koul isə Britaniyanın Ermənistandakı yeni səfiri kimi vəzifəsinə cari ilin sentyabr ayında başlayacaq", - məlumatda deyilir.
Qeyd edək ki, xanım Koul 2018-2020-ci illərdə rəsmi Londonun Gürcüstandakı, 2020-2023-cü illərdə isə Qətərdəki səfirinin müavini işləyib. Hazırkı təyinatdan qabaq ölkəsinin Yaxın Şərq və Şimali Afrika regionunda fövqəladə halların planlaşdırılması şöbəsinin rəhbəri vəzifəsini tutub.
