Belarus Prezidenti Aleksandr Lukaşenko hakimiyyəti öz övladlarına ötürəcəyi ilə bağlı iddialara kəskin münasibət bildirib.
“Pul pervogo” teleqram kanalı xəbər verir ki, Belarus lideri bu cür söhbətləri yayanları “tam axmaq” adlandırıb.
“Hakimiyyətin təhvil verilməsi dedikdə əldə olunan hər şeyin qorunub saxlanılması və bu irsin dövlətin dağılmasına və məhvinə yol verməyəcək, inkişafı "Çin üsulu ilə" davam etdirə biləcək digər insanlara verilməsi nəzərdə tutulur”, - Lukaşenko deyib.
O, növbəti prezident seçkilərində namizədliyini verib-verməyəcəyi barədə suala cavabında hələ bir planının olmadığını söyləyib.
Xatırladaq ki, Aleksandr Lukaşenko 1994-cü ilin iyulundan Belarusa rəhbərlik edir.
