İndoneziyanın Flores adası sahillərində 7,7 bal gücündə zəlzələ olub.
Senzor.az bildirir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.
Qeyd olunub ki, yeraltı təkanlar Labuan Bajo şəhərindən 162 km məsafədə qeydə alınıb. Zəlzələnin episentri 35 km dərinlikdə yerləşib.
Xilasetmə xidmətlərindən verilən ilkin məlumat görə, zəlzələ nəticəsində 20 nəfər həyatını itirib. Həmçinin, altı nəfərin xəsarət aldığı və iki nəfərin dağıntılar altında qaldığı bildirilir.
Güclü yeraltı təkanlarla bağlı sunami xəbərdarlığı elan olunub. "The Straits Times" nəşrinin xəbərinə görə, Flores adasının şimal sahilləri boyunca, həmçinin cənub rayonları, adaları və bütün cənub bölgəsində yaşayan əhaliyə dərhal təxliyə olunmaq və sahil xəttindən uzaqlaşmaq tövsiyəsi verilib.
