Suriya separatçı layihələr üçün meydan deyil.
Senzor.az yerli KİV-ə istinadən bildirir ki, ölkə Prezidenti Əhməd əl-Şaraanın Suveyda əyalətindəki vəziyyətlə bağlı bəyanatında belə deyilir.
Prezident vurğulayıb ki, bütün druz icmasını ayrı-ayrı şəxslərin hərəkətlərinə görə mühakimə etmək olmaz, Suveyda sakinlərinin əksəriyyəti dövləti dəstəkləyir: “Etiraz edən kiçik bir qrupdur”.
O, Suriyanın ərazi bütövlüyünə dəstəyinə görə ABŞ-a təşəkkür edərək bildirib: ”Suriya separatçı layihələr üçün meydan deyil”.
Əhməd əl-Şaraa qəhrəmanlıq mövqeyinə görə qəbilələrə təşəkkür edərək rəsmi mövqeyi müdafiə edənləri dərhal atəşkəsə çağırıb.
Xatırladaq ki, Azərbaycanın Xarici İşlər Nazirliyi də ötən gün Suriyanın ərazi bütövlüyü və suverenliyini dəstəklədiyinə dair bəyanat yayıb.
