Bakı Şəhər Baş Polis İdarəsinin Cinayət Axtarışı İdarəsi və Nizami Rayon Polis İdarəsinin 25-ci polis şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən pul və qızıl-zinət əşyaları oğurlamaqda şübhəli bilinən Saatlı rayon sakini, əvvəllər məhkum olunmuş E.Cəfərov saxlanılıb.

Senzor.az Daxili İşlər Nazirliyinin Mətbuat Xidmətinə istinadən bildirir ki, həmin şəxslə bağlı aparılan tədbirlər nəticəsində onun müxtəlif vaxtlarda daha dörd evdən ümumilikdə 23 min ABŞ dolları, 700 manat, 81 min manat dəyərində qızıl-zinət əşyaları və noutbuk oğurlaması da müəyyən olunub.

Faktla bağlı araşdırma aparılır.