Daxili İşlər Nazirliyinin İntellektual İdarəetmə Mərkəzi Bakıda sıxlıq yaranmış avtomobil yollarının siyahısını açıqlayıb.
Senzor.az Mərkəzə istinadən bildirir ki, hazırda yollarda vəziyyət aşağıdakı kimidir:
1. Heydər Əliyev prospekti kənar yol, mərkəz istiqamətində;
2. Ziya Bünyadov prospekti, Müzəffər Nərimanov küçəsi ilə kəsişmədən “20 Yanvar” m/st istiqamətində;
3. Bakı-Sumqayıt şosesi, “20 Yanvar” m/st istiqamətində sıxlıq müşahidə olunur.
Bakı Şəhər İcra Hakimiyyəti başçısının tabeliyindəki Bakı Nəqliyyat Agentliyi isə paytaxt yollarında sərnişin avtobuslarının hərəkəti ilə bağlı məlumat yayıb. Qeyd olunur ki, Vahid Dispetçer Xidmətinin bu gün səhər pik saatlarına olan məlumatına əsasən, paytaxtın müxtəlif ərazilərində müşahidə olunan nəqliyyat sıxlıqları səbəbindən 18 müntəzəm marşrut xətti üzrə 25 avtobusun hərəkət intervalında gecikmələr var.
