Paytaxtın Binəqədi rayonunda minik avtomobili avtobusa çırpılıb.
APA xəbər verir ki, hadisə Biləcəri qəsəbəsində qeydə alınıb.
Belə ki, Yəhya Hüseynov küçəsində 83 nömrəli marşrut xətti üzrə hərəkət edən sərnişin avtobusunun sürücüsü sərnişinlərin enməsi üçün dayanacaqda saxlayıb. Bu zaman “Toyota Prius” markalı minik avtomobilinin sürücüsü yüksək sürətlə idarə etdiyi nəqliyyat vasitəsini avtobusa çırpıb. Hər iki nəqliyyat vasitəsinə ciddi ziyan dəyib. “Toyota”nın sürücüsü xəsarət alıb.
Əraziyə Binəqədi Rayon Polis İdarəsinin əməkdaşları cəlb edilib.
