Avtomatik stansiyalardan əldə edilən məlumata əsasən, Bakıda və Abşeron yarımadasında tozlu hava şəraiti müşahidə olunur.
Senzor.az-ın məlumatına görə, Milli Hidrometeorologiya Xidmətinin əməkdaşı Gülnarə Abbasova jurnalistlərə bildirib ki, müşahidə olunan tozlu hava şəraiti transsərhəd xarakterlidir.
O qeyd edib ki, dispers toz hissəcikləri Nizami rayonunda 1.2, Səbail rayonunda 1.1 dəfə normadan yüksək qeydə alınıb: "Sinoptik vəziyyətlə əlaqədar olaraq tozlu hava şəraiti gün ərzində davam edəcək".
