Bu gün Tərtər hadisələri ilə bağlı həbs edilənlərin ailə üzvləri Prezident Administrasiyasının yaxınlığına toplaşıblar. Onlar “Tərtər işi” ilə bağlı istintaqın ədalətli və düzgün aparılmadığını deyərək etiraz ediblər.Senzor.az-ın məlumatına görə, Daxili İşlər Nazirliyi (DİN) Mətbuat Xidmətinin rəisi, polis polkovniki Ehsan Zahidov jurnalistlərə açıqlamasında bildirib ki, asayişin pozulması hallarına yol verilməyib: “Polis əməkdaşları asayişin mühafizəsinə cəlb olunub və həmin şəxslərlə profilaktik söhbət aparıblar. Bundan sonra həmin şəxslər ərazini tərk ediblər. Heç bir insident qeydə alınmayıb, asayişin pozulması hallarına yol verilməyib”.
