Ağdamda abonent “Azərişıq”ın iki işçisini bıçaqlayıb, birini döyüb.APA xəbər verir ki, hadisə rayonun İmamqulubəyli kəndində baş verib.
“Azərişıq” ASC-nin Ağdam Elektrik Şəbəkəsi idarəsinin əməkdaşları Mirzəyev Taryel və Mirzəyev Şükür borclu abonent tərəfindən bıçaqlanıblar. İdarənin digər işçisi Elşən Əzizovu isə döyülüb.
İlkin məlumata görə, hadisəni törədən şəxs bu hərəkəti borcu çox olduğundan həmin işçilərin onun elektrik enerjisini kəsmək istədiklərinə görə edib.
Faktla bağlı araşdırma aparılır. Yaralılar Bərdə Mərkəzi Rayon Xəstəxanasına çatdırılıb.
Senzor.az xatırladır ki, “Azərişıq” ASC ilə bağlı bu gün Lənkəranda da insident yaşanıb. Abonent ASC əməkdaşının maşınını yandırıb.
