Bakıda dönərdən kütləvi zəhərlənmə baş verib.Senzor.az-ın məlumatına görə, Kliniki Tibbi Mərkəzin İctimaiyyətlə əlaqələr bölməsinin müdiri Elnur Hidayətoğlu jurnalistlərə bildirib ki, hadisə ötən gün “28 Mall” Ticarət Mərkəzinin yaxınlığında dönərxanalardan birində baş verib.
Onun sözlərinə görə, orada gün ərzində dönər alan 8 nəfər zəhərlənmə diaqnozu ilə Mərkəzə müraciət edib: “Zəhərlənənlərdən biri qadın, 7-si kişi, digər biri isə yeniyetmə olub. Hazırda onlardan bəzilərinin orta-ağır, digərlərinin isə ağır vəziyyətdə müalicələri davam etdirilir. Bir nəfər isə artıq evə buraxılıb”.
O da məlum olub ki, artıq faktla bağlı Nəsimi Rayon Polis İdarəsinin 22-ci şöbəsində araşdırma aparılır.
