Kəlbəcər rayonuna icazəsiz keçmək istəyən koronavirus xəstəsi aşkarlanıb.Senzor.az Daxili İşlər Nazirliyi Mətbuat Xidmətinin Gəncə regional qrupuna istinadən bildirir ki, Göygöl Rayon Polis Şöbəsinin (RPŞ) əməkdaşları komendant postunda xidmət apararkən müvafiq icazəsi olmadan Kəlbəcər rayonuna getmək istəyən şəxsi saxlayıblar.
Araşdırmalar zamanı Qazax rayon sakini Yaşar Allahquliyevin eyni zamanda COVID-19 infeksiyasına yoluxduğu üçün ev şəraitində müalicə olunmalı olduğu halda yaşayış yerini tərk etmsi də müəyyən edilib. RPŞ əməkdaşları müəyyən edilən tibbi prosedurlar gözləməklə onu yaşadığı ünvana geri qaytarıblar.
Faktla bağlı RPŞ-nin İstintaq Bölməsində araşdırmalar davam etdirilir.
Goranboy RPŞ əməkdaşları tərəfindən keçirilən müvafiq tədbirlər nəticəsində də koronavirus testinin nəticəsi pozitiv çıxan, rayonun Şəfəq kənd sakini Fərid Sərdarlının ev şəraitində müalicə almasına baxmayaraq, karantin qaydalarını kobud şəkildə pozaraq, yaşadığı ünvanı tərk etməsi müəyyən edilib.
Polis əməkdaşları dərhal onun rayon ərazisində yerini müəyyən edərək, müvafiq tibbi prosedurlar gözlənilməklə yaşadığı evə göndərib.
Faktla bağlı araşdırmalar davam etdirilir.
