Azərbaycana qış fəsli qədəm qoydu.Senzor.az Nəsirəddin Tusi adına Şamaxı Astrofizika Rəsədxanasına istinadən bildirir ki, bu il qış fəsli ölkəmizdə dekabrın 21-i saat 19:59–dan başlanıb.
Bu zaman Yerin fırlanma oxu Günəş istiqaməti ilə ən böyük bucaq əmələ gətirir və ya Günəş üfüqdən minimum hündürlükdə (26⁰.2) olur. Həmin gün ən qısa gündüz və ən uzun gecə müşahidə edilir. Gündüzün uzunluğu 9 saat 17 dəqiqə 22 saniyə, gecənin uzunluğu isə 14 saat 42 dəqiqə 38 saniyə olur.
