2 yanvar saat 12:00-dan axşam saatlarına qədər paytaxtın əsas prospektlərindən birində hərəkət məhdudlaşdırılıb. Senzor.az bildirir ki, bu barədə Azərbaycan Avtomobil Yolları Dövlət Agentliyinin (AAYDA) mətbuat xidməti məlumat yayıb.
Məlumata görə, Ziya Bünyadov prospektinin "Koroğlu" qovşağından "20 Yanvar" dairəsi istiqamətində olan hissəsində yerləşən 1-ci tunelə giriş bağlanıb.
Səbəb olaraq ərazidə aparılan işıqlandırma sistemlərinin təmiri göstərilir.
“Yarana biləcək müvəqqəti narahatlığa görə üzr istəyirik”, - deyə qurumdan qeyd ediblər.
