Xeyriyyəçi Hacı Zeynalabdin Tağıyevin abidəsini zədələyən şəxslər saxlanılıb.Senzor.az bildirir ki, bunu Daxili İşlər Nazirliyi Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev deyib.
"Hacı Zeynalabdin Tağıyevin heykəlinə zərər yetirən şəxslər polis tərəfindən gecə ilə müəyyən olunaraq saxlanılıb. Heykəlin qoparılan elementi heykəltəraşın iştirakı ilə yerinə bərpa edilib", - o deyib.
Hazırda faktla bağlı araşdırma aparılır.
Xatırladaq ki, sosial şəbəkələrdə xeyriyyəçi Hacı Zeynalabdin Tağıyevin Bakıda ucaldılan abidəsinin zədələnməsi barədə görüntülər yayılmışdı.
**00:40
Sosial şəbəkələrdə Hacı Zeynalabdin Tağıyevin yeni açılışı olan heykəlinin zədələndiyini əks etdirən görüntülər paylaşılıb. Senzor.az bildirir ki, görüntülərdə Tağıyevin əlindəki təsbehin sınaraq yerə düşdüyü əksini tapıb.
DİN-in Mətbuat Xidmətinin şöbə rəisi Elşad Hacıyev jurnalistlərə açıqlamasında bildirib ki, məsələdən məlumatlıdırlar: “Səbail Rayon Polis İdarəsinin əməkdaşları araşdırma aparırlar”.
