Masallı polisi üzərində silah və narkotik gəzdirən şəxsi yaxalayıb.Senzor.az DİN Mətbuat Xidmətinin Lənkəran regional qrupuna istinadən bildirir ki, Masallı Rayon Polis Şöbəsi (RPŞ) əməkdaşlarının keçirdikləri əməliyyat-axtarış tədbirləri nəticəsində narkotik vasitələrin qanunsuz dövriyyəsində və üzərində odlu silah gəzdirməkdə şübhəli bilinən rayon sakini Cavid Bəyəliyev saxlanılıb.
Şəxsi axtarış zamanı onun üzərindən yarım kiloqrama yaxın qurudulmuş marixuana, bir ədəd lüləsi kəsilmiş tüfəng və bir ədəd patron aşkar edilərək götürülüb.
Faktla bağlı RPŞ-də araşdırma aparılır.
