Gəncədə Kəpəz Rayon Polis İdarəsi əməkdaşlarının peşəkarlıqla keçirdikləri əməliyyat-axtarış tədbirləri nəticəsində baş vermiş quldurluq hadisəsini törədən şəxsin kimliyi məlum olub.Senzor.az bildirir ki, bu barədə Daxili İşlər Nazirliyi Mətbuat Xidmətinin Gəncə regional qrupundan məlumat verilib.
Qeyd olunub ki, aparılan araşdırmalar nəticəsində şəhər sakini, əvvəllər məhkum olunmuş Elnur Bünyadzadənin yanvar ayının 31-də tələbələrin yaşadığı mənzilə daxil olaraq sakinləri əlindəki bıçaqla hədələyib ümumi dəyəri 4000 manat olan qızıl-gümüş və mobil telefonu quldurluq yolu ilə mənimsədiyi müəyyən edilib.
Saxlanılan şəxs istintaqa təhvil verilib, araşdırmalar davam etdirilir.
