Ağdərədə minaya düşən şəxsin ayağı amputasiya edilib, vəziyyəti ağır qiymətləndirilir.
Senzor.az bildirir ki, bu barədə jurnalistlərə Bərdə Rayon Mərkəzi Xəstəxanasının cərrahı Hafiz Əliyev məlumat verib.
Xatırladaq ki, bu gün səhər saatlarında Ağdərə rayonunun Həsənqaya ərazisində mal otararkən mina partlaması nəticəsində xəsarət almış Şıxarx qəsəbə sakini, 1979-cu il təvəllüdlü Quliyev Qulu Tufan oğlu Tərtər Mərkəzi Rayon Xəstəxanasına çatdırılmışdı.
Orada ilkin tibbi yardım göstərilən pasiyent sonradan daha ixtisaslı tibbi xidmət almaq üçün Bərdə Rayon Mərkəzi Xəstəxanasına təxliyə edilib.
**09:14
Ağdərədə mina hadisəsi baş verib.
Senzor.az bildirir ki, hadisə Ağdərə rayonunun Həsənqaya ərazisində qeydə alınıb.
Belə ki, Şıxarx qəsəbə sakini 1979-cu il təvəllüdlü Quliyev Qulu Tufan oğlu həmin ərazidə mal otararkən mina partlaması nəticəsində xəsarət alıb.
Yaralı Tərtər Mərkəzi Rayon Xəstəxanasına çatdırılıb.
Hadisə yerinə hüquq-mühafizə orqanları əməkdaşlarının cəlb olunduğu bildirilir.
