Qəbələnin Laza kəndində çoban qayalıq ərazidən atla keçərkən ehtiyatsızlıqdan dərəyə yıxılıb.
Senzor.az bildirir ki, bu barədə Fövqəladə Hallar Nazirliyinin (FHN) Regional Mərkəzinə məlumat verilib və dərhal əraziyə xilasedicilər cəlb olunub.
FHN-in xilasetmə qrupu çobanın yıxıldığı yeri müəyyən etdikdən sonra həmin şəxsi qayalıq ərazidən götürərək, Təcili Tibbi Yardım briqadasının əməkdaşlarına təhvil veriblər.
Müxtəlif dərəcəli bədən xəsarətləri alan çoban Qəbələ Rayon Mərkəzi Xəstəxanasına yerləşdirilib.
Hadisənin başvermə səbəbləri araşdırılır. 
