Bakının Yasamal rayonu ərazisində iki nəfər güllələlənib.
“Bakupost” xəbər verir ki, bu gecə baş verən silahlı insident zamanı 1995-ci il təvəllüdlü Ceyhun Həsənov və Sənan Dünyamalıyev adlı şəxslər xəsarət alıblar.
Hər iki yaralı xəstəxanaya yerləşdirilib. Onlardan birinə sol budun sınığı, digərinə isə sol budun kəsilmiş-deşilmiş yarası diaqnozu təyin edilib. Vəziyyətləri orta-ağır qiymətləndirilsə də, həyati təhlükələri yoxdur.
Hazırda hadisənin motivləri, təfərrüatı araşdırılır və onu törədən şəxsin (və ya şəxslərin) saxlanılması istiqamətində əməliyyat axtarış tədbirləri görülür.
