Həbsdə olan tanınmış meyxanaçı Rəşad Dağlı əməliyyat olunub.
“Qafqazinfo”nun əldə etdiyi məlumata görə, əməliyyat tibb məntəqəsində həyata keçirilib.
Meyxanaçının səhhətində yaranan müəyyən problem səbəbindən ona tibbi cərrahi müdaxilə edildiyi bildirilir.
Məsələ ilə bağlı meyxanaçının vəkili Elvin Əliyev sayta bildirib ki, Rəşad Dağlı tibbi müayinə olunub və onun əsasında kiçik bir cərrahi prosedur icra edilib: “Hazırda səhhəti yaxşıdır, narahat olmağa əsas yoxdur”. 
Qeyd edək ki, Rəşad Dağlı qonşusunu öldürməkdə təqsirli bilinərək 9 il 6 ay müddətinə azadlıqdan məhrum edilib. Meyxanaçının 6 il 6 ay çəkilməmiş cəzası qalıb.
