Tovuz rayonunda 2 mərtəbəli evdə yanğınla nəticələnən partlayış olub."Report"un məlumatına görə, hadisə rayonun Qazıqulu kəndində qeydə alınıb.
Belə ki, kənd sakini Q.Səkiyevə məxsus 2 mərtəbəli, 7 otaqlı evin birinci mərtəbəsinin mətbəxində partlayış olub. Yanğınla nəticələnən hadisə zamanı ev sahibinin həyat yoldaşı, 1959-cu il təvəllüdlü P.Səkiyeva yanıq xəsarəti alıb. O, ağır halda xəstəxanaya yerləşdirilib.
Yanğın nəticəsində mətbəxin 0.5 kvadratmetr sahəsi əşyalarla birgə yanıb.
Faktla bağlı araşdırmalara başlanılıb.
