Azərbaycanda 2021-2022-ci illər üzrə ov mövsümü fevralın 27-də başa çatıb və ov icazələrinin verilməsi dayandırılıb.Senzor.az bildirir ki, bunu jurnalistlərə açıqlamasında Bioloji Müxtəlifliyin Qorunması Xidmətinin rəisi Firuddin Əliyev deyib.
Onun sözlərinə görə, həmin tarixdən etibarən vətəndaşların, ovçuların ov etməsi qadağandır.
Xidmət rəisi ov ilə məşğul olan şəxsləri qadağan olunan vaxtlarda ov qaydalarına əməl etməyə çağırıb: "Ov mövsümünün bağlanması heyvanların və quşların bioloji xüsusiyyətləri ilə bağlıdır. Bu müddətdə növlərin çoxalma dövrü başladığından onların populyasiyasına və təbii artımına zərər verilməməsi üçün ov qadağan olunur".
