Azərbaycan Xalq Cəbhəsi Partiyasının (AXCP) sədri Əli Kərimlinin atası Əmirhüseyin Kərimov dünyasını dəyişib.
Senzor.az bildirir ki, ki, bu barədə sosial şəbəkələrdə AXCP üzvləri məlumat yayıblar.
Mərhum doğulduğu Saatlı rayonunda dəfn olunacaq.
Xatırladaq ki, Dövlət Təhlükəsizliyi Xidməti tərəfindən saxlanılan AXCP sədri Əli Kərimli barəsində həbs qətimkan tədbiri seçilib.
Əli Kərimliyə AR Cinayət Məcəlləsinin 278.1 (hakimiyyəti zorla ələ keçirməyə, dövlətin konstitusiya quruluşunu zorla dəyişdirməyə yönələn hərəkətlər) maddəsi ilə ittiham irəli sürülüb.
Əli Kərimli “Ramiz Mehdiyev işi” ilə əlaqədar saxlanılıb.
Prezident Administrasiyasının sabiq rəhbəri Ramiz Mehdiyev Cinayət Məcəlləsinin 278.1 (dövlət hakimiyyətini ələ keçirməyə yönələn hərəkətlər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur.
