Dörd aya yaxındır ki, Azərbaycan Dövlət Akademik Musiqili Teatrında “Sevənlərindi dünya” adlı yeni tamaşanın məşqləri gedir. Senzor.az bildirir ki, librettonun müəllifi şair-dramaturq Əmir Pəhləvan, rejissoru Oruc Qurbanov, bəstəkarı Gövhər Həsənzadə, quruluşçu dirijoru Fəxrəddin Atayevdir.
Baş rolları Ayan Qurbanova, Sübhan Rüstəmov, aparıcı əsas rolları isə Ələkbər Əliyev, Telnaz Hüseynova və Gülçochrə Abdullayeva ifa edirlər.
Əsərin ana xəttini iki gəncin saf və ülvü məhəbbəti təşkil edir. Bu məhəbbət çağdaş dünyamızın təlatümlərlə dolu bir vaxtında barışın, sülhün, bərabərliyin və azadlıq ideyalarının müqəddəsliyinə və İnsanlığın aliliyinə köklənən əsl həyat macərasıdır.
Aktyor məşqləri və rəssam işi artıq bitmək üzrədir. Ümid edirik ki, teatr sevənlər və çoxsaylı tamaşaçılar musiqili librettoya yaxın zamanlarda baxmaq imkanı əldə edəcəklər.
