Martın 27-si saat 16 radələrində Ağdam rayonunun işğaldan azad edilmiş Yusifcanlı kəndi ərazisində təmir tikinti işləri aparılan zaman buldozerin minaya düşməsi ilə bağlı rayon prokurorluğuna məlumat daxil olub.Senzor.az Baş Prokurorluğun Mətbuat Xidmətinə istinadən bildirir ki, nəticədə traktora maddi ziyan dəyib və hər hansı şəxs xəsarət almayıb.
Hazırda faktla bağlı Ağdam Rayon Prokurorluğunda araşdırma aparılır.
** 18:48
Ağdamda körpü-bina tikinti texnikası minaya düşüb.
APA-nın xəbərinə görə, hadisə yeni inşa edilməkdə olan Ağdam-Füzuli yolunun Ağdam rayonunun işğaldan azad olunmuş Yusifcanlı kənd ərazisindən keçən hissəsində baş verib.
Kürdəmir rayon sakini, 1991-ci il təvəllüdlü Məmmədov Xalid Asif oğlunun idarə etdiyi "LiuGong" markalı buldozer erməni hərbi birləşmələri tərəfindən basdırılmış minaya düşüb. Buldozer yararsız hala düşsə də, sürücü xəsarət almayıb.
Faktla bağlı araşdırma aparılır.
