Xəbər verdiyimiz kimi, Bakıda “Location” gecə klubunda yaralananlardan biri - 1999-cu il təvəllüdlü Eynullayeva Fərqanə Fərhad qızı müalicə aldığı xəstəxanada vəfat edib.O, 60-62 faiz və III dərəcəli yanıq xəsarəti ilə reanimasiyada olan kritik ağır xəstələrdən biri idi.
Artıq KİV-də aktiv sosial şəbəkə istifadəçisi olduğu bildirilən F.Eynullayevanın fotoları yayılıb.
Senzor.az həmin fotoları təqdim edir:
**21:24
Səbail rayonu ərazisində yerləşən obyektdə baş vermiş partlayış zamanı xəsarət alanlardan bir nəfər - 1999-cu il təvəllüdlü Fərqanə Eynullayeva dünyasını dəyişib.
Senzor.az TƏBİB-ə istinadən bildirir ki, o, 60-62 faiz və III dərəcəli yanıq xəsarəti ilə reanimasiyada olan kritik ağır xəstələrdən biri idi.
Sözügedən hadisədə ümumilikdə 37 nəfər müxtəlif dərəcəli bədən xəsarəti alıb, 2 nəfər vəfat edib.
Hazırda tibb müəssisələrində ümumilikdə 12 nəfər müalicə alır. Onlardan 9-u TƏBİB-in tabeliyindəki tibb müəssisələrindədir.
Xatırladaq ki, TƏBİB-in tabeli müəssisələrdən vəziyyəti kritik ağır olan 2 nəfər özəl xəstəxanalardan birinə köçürülüb.
Qeyd edək ki, xəsarət alan şəxslərdən hazırda TƏBİB-in tabeliyindəki tibb müəssisələrində reanimasiyada olan 4 nəfərdən 1-nin vəziyyəti kritik ağır, stasionarda müalicə alan 5 nəfərin vəziyyəti stabil ağır, 3-ünün vəziyyəti orta ağır olaraq qiymətləndirilir.
Ümumilikdə stasionarda müalicə alanlardan ambulator müalicə üçün 9 nəfər evə göndərilib.
