Tarix elmləri doktoru, professor, AMEA-nın həqiqi üzvü, əməkdar elm xadimi, AMEA Arxeologiya və Etnoqrafiya İnstitutunun şöbə müdiri Teymur Bünyadov evində keçirilən vida mərasimindən sonra II Fəxri xiyabanda dəfn olunub.Senzor.az bildirir ki, Prezident İlham Əliyev və Birinci xanım Mehriban Əliyeva Teymur Bünyadovun dəfn mərasiminə əklil göndəriblər.
Dəfn mərasimində mərhumun ailə üzvləri, yaxınları, mədəniyyət və ictimaiyyət nümayəndələri - AMEA-nın prezidenti vəzifəsini icra edən, akademik Arif Həşimov, AMEA-nın vitse-prezidenti, akademik İsa Həbibbəyli, professor Qəzənfər Paşayev, akademik Şahin Mustafayev, filologiya elmləri doktoru Şirindil Alışanov, Milli Məclisin deputatları - Səməd Seyidov, akademik Nizami Cəfərov və digər şəxslər iştirak ediblər.
Xatırladaq ki, alim aprelin 8-də 95 yaşında vəfat edib.
