Paytaxtda güclü külək dayanacağı aşırıb."Report" xəbər verir ki, hadisə Suraxanı rayonu, Hövsan qəsəbəsində qeydə alınıb.
Belə ki, avtobus dayanacağı küləyə davam gətirməyərək aşıb. Xəsarət alanlar barədə məlumat yoxdur.
Xatırladaq ki, bundan əvvəl güclü külək Bakıda iri ağacı avtomobillərin üzərinə aşırmışdı. Hadisə Nizami küçəsi, 203B ünvanının qarşısında qeydə alınmışdı.
Güclü küləyin nəhəng ağacı kökündən qopararaq yolun kənarında park edilən avtomobillərin üzərinə aşırması nəticəsində nəqliyyat vasitələrinə və işıq dirəyinə ciddi ziyan dəymişdi... 
Milli Hidrometeorologiya Xidmətinin məlumatına görə, yaxın 2 gün ərzində ölkə ərazisində qeyri-sabit, güclü küləkli hava şəraiti davam edəcək. Mayın 8-də gündüz saatlarından küləyin sürətinin tədricən zəifləyəcəyi gözlənilir.
