Jurnalist Qadir İbrahimlinin səhhəti Medianın İnkişafı Agentliyinin (MEDİA) diqqətindədir.
Senzor.az bildirir ki, bunu jurnalistlərə açıqlamasında MEDİA-nın şöbə müdiri Natiq Məmmədli deyib.
Onun sözlərinə görə, Q. İbrahimlinin yerləşdirildiyi xəstəxananın rəhbərliyi və həkimləri ilə dərhal əlaqə saxlanılıb: “Daim əlaqədəyik. Allahdan dəyərli dostumuza şəfa diləyirik!”
TƏBİB-dən KİV-ə verilən xəbərdə isə Qadir İbrahimlinin diaqnozundan bəhs edilir. Qeyd olunur ki, jurnalist mayın 18-də M.Mirqasımov adına Respublika Kliniki Xəstəxanasının Reanimasiya şöbəsinə kəskin qaraciyər sirrozu diaqnozu ilə yerləşdirilib. Hazırda vəziyyəti ağır olaraq qiymətləndirilir və həkimlərin ciddi müşahidəsi altındadır.
**12:24
Tanınmış jurnalist, iqtisadçı-ekspert Qadir İbrahimlinin səhhətində problem yaranıb.
Senzor.az bildirir ki, bu barədə KİV-ə onun həmkarları məlumat veriblər.
Qeyd olunub ki, Q.İbrahimli mayın 18-də Akademik Mirqasımov adına Respublika Klinik Xəstəxanasının reanimasiya şöbəsinə yerləşdirilib.
Hazırda onun müalicəsini xəstəxanada davam etdirdiyi bildiriir.
