İyulun 1-də Bakıda və Abşeron yarımadasında hava əsasən yağmursuz keçəcək.
Senzor.az Milli Hidrometeorologiya Xidmətinə istinadən bildirir ki, mülayim şimal-qərb küləyi arabir güclənəcək.
Havanın temperaturu yarımadada gecə 20-23° isti, gündüz 30-34° isti, Bakıda gecə 21-23° isti, gündüz 32-34° isti olacaq.
Atmosfer təzyiqi normadan aşağı 756 mm civə sütunu təşkil edəcək. Nisbi rütubət 50-55 % olacaq.
Azərbaycanın əksər rayonlarında da hava əsasən yağmursuz keçəcək. Lakin gündüz bəzi şimal və qərb rayonlarında şimşək çaxacağı, qısamüddətli yağış yağacağı gözlənilir. Mülayim qərb küləyi əsəcək.
Havanın temperaturu gecə 21-26° isti, gündüz 33-38° isti, dağlarda gecə 8-13° isti, gündüz 18-23° isti olacaq.
