Daxili İşlər Nazirliyinin (DİN) İntellektual İdarəetmə Mərkəzi Bakıda sıxlıq yaranmış avtomobil yollarının siyahısını təqdim edib.

Senzor.az Mərkəzə istinadən bildirir ki,  həmin siyahıya əsasən hazırda yollarda vəziyyət aşağıdakı kimidir:

1. Ziya Bünyadov prospektinin, Əhməd Rəcəbli küçəsi ilə kəsişməsindən başlayaraq, DİN Hospitalın qarşısına qədər olan hissəyə qədər - əsas yolda, 20 Yanvar dairəsi istiqamətində sıxlıq;

2. Moskva prospektində Beynəlxalq Avtovağzalın qarşısından 20 Yanvar dairəsinə qədər - əsas və kənar yol sıxlıq;

3. Bakı-Sumqayıt şosesində– Xocəsən yolu ilə kəsişmədən Beynəlxalq Avtovağzalın qarşısına qədər sıxlıq;

4. Tbilisi prospektində 20 Yanvar dairəsidən başlayaraq, Həsən Əliyev küçəsi ilə kəsişməsinə qədər, şəhər istiqamətində sıxlıq müşahidə olunur.

Bakı Nəqliyyat Agentlyi Vahid Dispetçer Xidmətinin bu gün səhər pik saatlarına olan məlumatına əsasən isə bəzi küçə və prospektlərdə müşahidə olan nəqliyyat sıxlıqları səbəbindən müntəzəm marşrut xətləri üzrə avtobuslararası intervallarda gecikmələr müşahidə olunur.

Belə ki, bu dəqiqələrdə ümumilikdə 34 müntəzəm marşrut xətti üzrə 61 ədəd avtobus ləngimə ilə hərəkət edir.