Ermənistanın gələcəyi məndən asılıdır.

Senzor.az yerli KİV-ə istinadən bildirir ki, bunu Ermənistanın baş naziri Nikol Paşinyan xalqa müraciətində deyib.

“Mən Ermənistanın baş naziri kimi indi ölkənin müstəqilliyinin müdafiəsi hərəkatına rəhbərlik edirəm. Və Nazirlər Kabinetinin rəhbəri olmasaydım belə, o zaman bir vətəndaş kimi baş nazirin arxasınca gedəcəkdim. Ermənistanın gələcəyi həm də onun vətəndaşlarından asılıdır. Vətəndaşların müstəqillik, demokratiya, xoşbəxtlik uğrunda bu mübarizədə qalib gələcəyinə əminəm”, - Paşinyan bildirib.

Ermənistanın baş naziri hesab edir ki, ölkəsinin hazırda aid olduğu təhlükəsizlik strukturları səmərəsizdir. Onun sözlərinə görə, Ermənistanın xarici və daxili təhlükəsizlik alətlərini dəyişdirmək və əlavə etmək lazımdır.

O həmçinin vurğulayıb ki, Ermənistan öz müstəqilliyini qorumaq üçün hər şeyi edəcək: “Biz qarşılıqlı faydalı birgə işə hazır olan bütün tərəfdaşlarla əməkdaşlıq etməliyik”.