Türkiyə Daxili İşlər Nazirliyinin (DİN) binası qarşısında partlayış törədən ikinci terrorçunun da kimliyi məlum olub.
Senzor.az bildirir ki, bu barədə Türkiyə Daxili İşlər Nazirliy məlumat yayıb.
Bildirilib ki, aparılan araşdırmalar və DNT testi nəticəsində Türkiyə DİN binası qarşısında partlayış törədən 2-ci terrorçunun Özkan Şahin adlı PKK üzvü olduğu müəyyən edilib.
Qeyd edək ki, bundan əvvəl partlayışı törədən digər terrorçunun Həsən Oğuz adlı PKK üzvü olduğu müəyyən edilmişdi.
Xatırladaq ki, oktyabrın 1-də saat 09:30 radələrində Ankarada Türkiyə Daxili İşlər Nazirliyinin Baş Mühafizə İdarəsinin giriş qapısına avtomobillə gələn 2 terrorçu terror aktı törədib. Terrorçulardan biri özünü partladıb, ikincisi zərərsizləşdirilib. Atışma zamanı 2 polis əməkdaşı yüngül xəsarət alıb.
