Gürcüstanın sabiq prezidenti Mixeil Saakaşvili Qori şəhərindəki hərbi hospitala köçürülməsinə razılıq verib.Senzor.az yerli KİV-ə istinadən bildirir ki, bu barədə Saakaşvilinin partiyasının nümayəndəsi Eka Xerxeulidze məlumat yayıb.
Gürcüstanın səhiyyə naziri Ekaterine Tikaradze Qori hospitalına baş çəkib və tibbi müəssisədə mövcud vəziyyətlə tanış olub. O, xəstəxananın Saakaşvilinin müalicəsi üçün lazım olan vasitələrlə təchiz edildiyini bildirib.
Xatırladaq ki, M.Saakaşvili oktyabrın 1-də Tbilisidə saxlanılıb. Rustavidəki 12 saylı həbsxanaya yerləşdirilmiş siyasətçi noyabrın 8-də Tbilisidəki Qldani türməsinin müalicə müəssisəsinə köçürülüb. Artıq 50 gündür aclıq aksiyası keçirən keçmiş prezidentin vəziyyəti ötən gün pisləşib.
