Banqladeş Prezidenti Məhəmməd Şahabuddin cümə günü səhhətindəki problemlərə görə istefaya getdiyini açıqlayıb.
Senzor.az yerli KİV-ə istinadən bildirir ki, bu, müxalifət partiyalarının onun istefası ilə bağlı artan tələbi fonunda baş verib.
76 yaşlı Banqladeş Prezidenti parlamentə ünvanladığı məktubda yazıb: “Mən ağır xəstəyəm. Buna görə də vəzifəmi yerinə yetirə bilmirəm”.
Parlamentin sədri Hafiz Uddin Əhməd onun istefasını qəbul etdiyini bildirib.
Hafiz Uddin Əhməd Banqladeşin müvəqqəti Prezidenti vəzifəsini icra edəcək və Konstitusiyaya əsasən, növbəti 90 gün ərzində yeni prezident seçilməlidir.
Xatırladaq ki, Şahabuddin Çuppu 2023-cü il aprelin 24-dən prezident vəzifəsini tuturdu.
