ABŞ Prezidenti Co Baydenin administrasiyası İsrailə 320 milyon dollar dəyərində yüksək dəqiqlikli bombalar göndərməyi planlaşdırır.
Senzor.az yerli KİV-ə istinadən bildirir ki, ABŞ administrasiyası Konqresə belə silahları İsrailə ötürmək niyyətində olduğu barədə bildiriş göndərib.
Söhbət İsrailin “Rafael” şirkəti tərəfindən hazırlanmış “Spice” bombaları silsiləsindən gedir.
Razılaşmaya əsasən, konsernin törəmə şirkəti “Rafael USA” silahları əsas şirkətə təhvil verəcək, o da öz növbəsində onları İsrail ordusuna tədarük edəcək.
Qeyd edək ki, “Spice” bombaları 125 km-ə qədər məsafədəki hədəfləri vura bilir.
Xatırladaq ki, ötən həftə ABŞ Konqresi Nümayəndələr Palatasının üzvləri respublikaçıların təklif etdiyi İsrailə 14,3 milyard dollarlıq yardımın ayrılması ilə bağlı qanun layihəsini böyük səs çoxluğu ilə dəstəkləyiblər.
