Ermənistanın baş naziri Nikol Paşinyanın ağır iqtisadi böhrana baxmayaraq, siyasi opponentlərini dinləmək üçün xaricdən xüsusi proqramlar almaq üçün milyonlarla dollar xərcləyir. Senzor.az bildirir ki, yerli KİV bunu nəzərə alaraq belə hesab edir ki, Paşinyan son vaxtlar hətta, “öz kölgəsindən belə qorxmağa başlayıb”.
İrəvanın “Hraparak” qəzeti qeyd edir ki, Paşinyanın göstərişi ilə Ermənistanın bütün dövlət qurumlarında foye və kabinetlər mikroskopik “juçoklarla” doldurulur.
Bununla bağlı qəzet bu yaxınlarda Ermənistan Müdafiə Nazirliyində baş vermiş insidenti xatırladıb. Rəislərdən biri “yuxarı instansiya”nın göstərişi ilə dörd əməkdaşını dindirir. Səbəb isə onların iş yerində baş nazırı “satqın” və “kapitulyant” adlandırmaları olub. Nəşrin əməkdaşı yazır ki, bu rəis öz növbəsində aralarında qadının da olduğu işçiləri “xalçaya” çağırıb və onlardan izahat tələb edib: "Kişilər dərhal tövbə edərək belə siyasi səhvləri bir daha təkrar etməyəcəklərini vəd ediblər, qadın isə cavab verib ki, hər kəs haqqında istədiyi bir şey söyləmək onun konstitusion hüququdur. Bəlkə Ermənistan artıq demokratik ölkə deyil və orada öz fikrini bildirmək qadağandır?”
