Fransanın xarici işlər naziri Jan İv Le Drian bəyan edib ki, Rusiya bəzən “dözülməz qonşu” olsa da, ümumi maraqlar naminə onunla dialoqu qoruyub saxlamaq vacibdir.Xəbəri “RİA Novosti” yayıb.
“Rusiya ilk növbədə qonşudur...Bəzən qonşular dözülməz olur, sizi qıcıqlandırır. Lakin onlar sizin qonşunuz olaraq qalır. Odur ki, ümumi maraqlar naminə birlikdə hərəkət etmənin yollarını axtarmaq lazımdır. Bunun üçün isə həmin qonşu ilə danışmağa davam etmək vacibdir”, - deyə XİN başçısı RTL telekanalının efirində bildirib.
